शारीरिक मानसिक तंदुरुस्ती बरोबरच सायबर सुरक्षेविषयी महिलांनी जागरूक असणे आवश्यक – सहायक पोलिस आयुक्त संगिता शिंदे कर्तृत्व गौरव पुरस्काराने सन्मानित.
शिंदे, साळवे, बराटे कर्तृत्व गौरव पुरस्काराने सन्मानित.
पु णे – राधानंद कला प्रतिष्ठान आयोजित जागतिक महिला दिन निमित्ताने कर्तृत्व गौरव पुरस्कार व सुरेल गाण्यांच्या मैफलीचे आयोजन शिवाजीनगर येथील संत माई सभागृहात करण्यात आले. सहायक पोलिस आयुक्त संगिता शिंदे अल्फान्सो, सेंट्रल जीएसटी व कस्टम पुणे विभागाच्या अधिक्षक ज्योती साळवे, कार्यक्रम व्यवस्थापक अर्चना पाटील आणि मॉडर्न हायस्कूल च्या माजी योगशिक्षिका कुसुम बराटे यांना त्यांच्या क्षेत्रातील उल्लेखनीय कार्यासाठी प्रतिष्ठानचे संस्थापक अध्यक्ष आनंद पंडित, उपाध्यक्ष ममता बोरगावकर, सचिव अजय हरपनहळ्ळी आणि सदस्य विवेक सुतार यांच्या हस्ते कर्तृत्व गौरव पुरस्कार देऊन सन्मानित करण्यात आले. “सध्याच्या डिजिटल युगात महिलांनी शारीरिक आणि मानसिक तंदुरुस्ती बरोबरच
सायबर सुरक्षेविषयी जागरूक असले पाहिजे” असे मत संगीता शिंदे अल्फान्सो यांनी आपल्या मनोगतात व्यक्त केले.
या कार्यक्रमात राधानंद कला प्रतिष्ठानच्या हरहुन्नरी कलाकार पूर्वा केसकर, कविता देशपांडे, सीमा नानगुडे, सोनाली द्रविड, विद्या बोरगावकर, बलबीर कौर, करुणा पाटील, सोनाली सेनापती, मनाली मालुसरे, ममता बोरगावकर, पल्लवी हरपनहळ्ळी आणि रश्मी जोशी यांनी हिंदी सदाबहार चित्रपटगीते सादर केली. रेश्मा नवले यांनी सूत्रसंचालन केले.
संपादक : कुमार कुलकर्णी
