इकोल करंडक’ १९ वर्षाखालील महिला एकदिवसीय क्रिकेट स्पर्धा !!
पुणे, ५ डिसेंबरः इकोल स्पोर्ट्स फाऊंडेशनच्यावतीने आयोजित ‘इकोल करंडक’ १९ वर्षाखालील महिला एकदिवसीय आंतरक्लब क्रिकेट स्पर्धेत व्हेरॉक वेंगसरकर ॲकॅडमी आणि एसएआरके या संघांनी आपापल्या प्रतिस्पर्धी संघांचा सहज पराभव करून उपांत्य फेरी गाठली.
भरे गांव, मावळ येथील एकोल क्रिकेट मैदानावर सुरू असलेल्या या स्पर्धेत जानव्ही गायकवाड आणि आर्या मगर यांनी केलेल्या कामगिरीच्या जोरावर एसएआरके संघाने झोरोस्ट्रीयन संघाचा ९ धावांनी निसटता विजय मिळवून उपांत्य फेरी गाठली. पहिल्यांदा फलंदाजी करताना एसएआरके संघाने २०६ धावांचे लक्ष्य उभे केले. आर्या मगर हिने ७१ धावांची केली. याशिवाय राजलक्ष्मी कोरे (३६ धावा) आणि जानव्ही गायकवाड (३५ धावा) यांनी धावांचे योगदान दिले. चौथ्या गड्यासाठी आर्या आणि जानव्ही यांनी १०६ चेंडूत ७४ धावांची भागिदारी रचली. या लक्ष्याचा पाठलाग करताना झोरोस्ट्रीयन संघाचा डाव १९७ धावांवर संपुष्टात आला. सलामीवीर गौरवी पंचवारा हिने ५४ धावांची एकहाती खेळी करून प्रतिकार केला. जी. मुग्धा (३६ धावा), इश्वरी निंबाळकर (२८ धावा) आणि स्नेहल तम्हाणे (२५ धावा) यांनी छोट्या खेळी केल्या. मोक्याच्या क्षणी झोरोस्ट्रीयन संघाचे फलंदाज बाद झाल्याने त्यांच्याहातून विजय निसटला. जानव्ही गायकवाड आणि वेदीका दळवी यांनी प्रत्येकी दोन गडी बाद करून एसएआरके संघाचा विजय निश्चित केला.
महेक मुल्ला हिने केलेल्या ८१ धावांच्या जोरावर व्हेरॉक वेंगसरकर ॲकॅडमीने आर्यन्स् क्रिकेट ॲकॅडमीचा १०३ धावांनी सहज विजय मिळवून उपांत्य फेरी गाठली. पहिल्यांदा खेळणाऱ्या व्हेरॉक वेंगसरकर ॲकॅडमीने २३२ धावा धावफलकावर लावल्या. महेक मुल्ला हिने ७८ चेंडूत १५ चौकारांसह ८१ धावांची खेळी केली. आर्या पाटील (३४ धावा) आणि आर्या व्यास (२६ धावा) यांनीही दुसऱ्या बाजुने धावांचे योगदान दिले. याला उत्तर देताना आर्यन्स् क्रिकेट ॲकॅडमीचा डाव १२९ धावांवर संपुष्टात आला. अनन्या चव्हाण (४३ धावा) आणि मिहीका डिंगणकर (२८ धावा) यांनी आर्यन्स्कडून प्रतिकार केला. पर्णवी पी. हिने तीन गडी तर, तनवी पाटील आणि श्रृती यादव यांनी प्रत्येकी दोन गडी टिपले.
सामन्याचा संक्षिप्त निकालः गटसाखळी फेरीः
एसएआरकेः ५० षटकात ९ गडी बाद २०६ धावा (आर्या मगर ७१ (८९, १० चौकार, १ षटकार), राजलक्ष्मी कोरे ३६, जानव्ही गायकवाड ३५, संचिता सपाटे ३-१५, तन्वी खळदकर २-३८); (भागिदारीः चौथ्या गड्यासाठी आर्या आणि जानव्ही यांच्यात ७४ (१०६) वि.वि. झोरोस्ट्रीयनः ४८.२ षटकात १० गडी बाद १९७ धावा (गौरवी पंचवारा ५४ (९१, ८ चौकार), जी. मुग्धा ३६, इश्वरी निंबाळकर २८, स्नेहल तम्हाणे २५, जानव्ही गायकवाड २-२१, वेदीका दळवी २-२२, श्रीशा वाघ १-१५); सामन्यातील सर्वोत्कृष्ट खेळाडूः जानव्ही गायकवाड;
व्हेरॉक वेंगसरकर ॲकॅडमीः ४३ षटकात ९ गडी बाद २३२ धावा (महेक मुल्ला ८१ (७८, १५ चौकार), आर्या पाटील ३४, आर्या व्यास २६, शृती जाधव ३-४३, माही दिवेदी २-२०);(भागिदारीः दुसऱ्या गड्यासाठी महेक आणि आर्या यांच्यात ९६ (१०७) वि.वि. आर्यन्स् क्रिकेट ॲकॅडमीः ३१ षटकात १० गडी बाद १२९ धावा (अनन्या चव्हाण ४३, मिहीका डिंगणकर २८, पर्णवी पी. ३-३४, तनवी पाटील २-९,
संपादक : कुमार कुलकर्णी
