सिद्धांत चतुर्वेदीचा मोठा निर्णय, ‘धडक २’साठी मिळालेला पुरस्कार आंतरजातीय नातेसंबंधामुळे हत्या झालेल्या सक्षम टाटे यांना समर्पित*
सिद्धांत चतुर्वेदीने आंतरजातीय हत्येतील पीडित सचिन (सक्षम) टाटे यांना पुरस्कार समर्पित केला, ही अर्थात वाखाणण्याजोगी बाब आहे. तो म्हणाला, हा सन्मान ज्या लोकांनी फक्त अस्तित्वासाठी लढा दिला, त्यांचा आहे.
‘धडक २’साठी पॉवर पॅक्ड परफॉर्मर ऑफ द इयर हा पुरस्कार जिंकलेल्या अभिनेता सिद्धांत चतुर्वेदीने हा सन्मान महाराष्ट्रातील आंतरजातीय मानहानी हत्येतील पीडित सक्षम टाटे यांना अर्पण केला. नुकताच नांदेड जिल्ह्यात घडलेल्या या घटनेने देशभरात संतापाची लाट उसळली असून जातीय भेदभावावरील चर्चा पुन्हा पेटल्या आहेत.
‘धडक 2’मध्ये सिद्धांतने नीलेश, एका दलित तरुणाची भूमिका साकारली आहे. जो व्यवस्थात्मक अत्याचारांशी झुंज देतो. ही भूमिका भावनिक प्रामाणिकतेसाठी, तसेच वंचित समाजांच्या भीती, स्वाभिमान आणि संघर्षाचे वास्तव चित्रण करण्यासाठी विशेष कौतुकास पात्र ठरली आहे. पुरस्कार स्वीकारताना सिद्धांत म्हणाला, “हा पुरस्कार फक्त माझा नाही. तो त्या प्रत्येकाचा आहे ज्यांना कधी ना कधी अस्पृश्य मानले गेले, दूर ढकलले गेले, भेदभाव सहन करावा लागला पण तरीही उभे राहण्याचे, लढण्याचे आणि केवळ अस्तित्वाचा अधिकार मागण्याचे धैर्य त्यांनी दाखवले. आणि शेवटी, हा सन्मान मी दिवंगत सक्षम टाटे आणि त्यांच्या कुटुंबीयांना आणि आंचलला समर्पित करतो. माझी सहानुभूती तुमच्यासोबत आहे”.
सिद्धांतच्या या भावनिक श्रद्धांजलीने सोशल मीडियावर तत्काळ लक्ष वेधून घेतले. अनेकांनी त्याच्या या भूमिकेचे स्वागत केले व म्हटले की, सक्षम टाटे प्रकरणानंतर ‘धडक २’ आणखीनच प्रासंगिक आणि तातडीची वाटते. नांदेडजवळील गावातील २१ वर्षीय सक्षम टाटे यांची काही दिवसांपूर्वी आंतरजातीय नातेसंबंधामुळे हत्या करण्यात आली. या प्रकरणामुळे ग्रामीण आणि उपनगरांत होणाऱ्या मानहानी हत्यांबाबतचे प्रश्न आणि तरुण जोडप्यांच्या सुरक्षेवरील चर्चा पुन्हा एकदा पुढे आल्या आहेत.
दरम्यान, सिद्धांत आता आपल्या करिअरमधील पुढच्या मोठ्या टप्प्याकडे वाटचाल करतो आहे. चित्रपटकार व्ही. शांताराम यांच्या बायोपिकमध्ये मुख्य भूमिका साकारत आहे. नुकत्याच प्रदर्शित झालेल्या ‘फर्स्ट लूक’ पोस्टरमध्ये सिद्धांत अगदी वेगळ्या अवतारात दिसला असून प्रेक्षकांमध्ये मोठी उत्सुकता निर्माण झाली आहे. हा त्याच्या आजवरच्या सर्वात आव्हानात्मक भूमिकांपैकी एक ठरणार असल्याचे मानले जाते. सक्षम टाटे यांना दिलेली भावपूर्ण समर्पण आणि सामाजिक वास्तव मांडण्यावरील त्याची बांधिलकी यामुळे सिद्धांत चतुर्वेदीचे हे पुरस्कार भाषण या सीझनमधील सर्वात चर्चेतील क्षण ठरला आहे.
संपादक : कुमार कुलकर्णी
