रंगत-संगत प्रतिष्ठानचा सचिन ईटकर यांना जिंदादिल पुरस्कार

पुणे : समाजात उल्लेखनिय कार्य करणाऱ्या व्यक्तीस रंगत-संगत प्रतिष्ठानतर्फे दिल्या जाणाऱ्या जिंदादिल पुरस्काराने 55 देश पादाक्रांत केलेले, वरिष्ठ कॉर्पोरेट सल्लागार, महाराष्ट्र आर्थिक विकास मंडळाचे उपाध्यक्ष सचिन ईटकर यांचा गौरव केला जाणार आहे.

पुरस्कार वितरण समारंभ शनिवार,  सायंकाळी 5:30 वाजता महाराष्ट्र साहित्य परिषदेच्या माधवराव पटवर्धन सभागृहात आयोजित करण्यात आला आहे. पुरस्काराचे वितरण रयत शिक्षण संस्थेचे अध्यक्ष चंद्रकांत दळवी, शिखर बँकेचे अध्यक्ष विद्याधर अनास्कर यांच्या हस्ते होणार आहे. पिंपरी-चिंचवड विद्यापीठाचे कार्यकारी संचालक डॉ. गिरीश देसाई, सूर्यदत्ता इन्स्टिट्यूटचे संस्थापक अध्यक्ष डॉ. संजय चोरडिया यांची प्रमुख उपस्थिती असणार आहे, अशी माहिती रंगत-संगत प्रतिष्ठानचे अध्यक्ष ॲड. प्रमोद आडकर यांनी निवेदनाद्वारे कळविली आहे. कार्यक्रम सर्वांसाठी खुला आहे.

आपण सारे

संपादक : कुमार कुलकर्णी