सर्वसामान्यांचा आवाज थेट मैदानात आम आदमी पार्टीकडून प्रशांत कांबळे यांची उमेदवारी
प्
पुणे महानगरपालिका निवडणुकीसाठी प्रभाग क्रमांक 38 मधून आम आदमी पार्टीने आपल्या पहिल्या उमेदवार यादीतून प्रशांत कांबळे यांच्या नावाची अधिकृत घोषणा केली. ही घोषणा काल आयोजित पत्रकार परिषदेत करण्यात आली.
सर्वसामान्य कुटुंबातून आलेल्या प्रशांत कांबळे यांचा प्रवास हा सामान्य नागरिक ते थेट राष्ट्रीय पक्षाची उमेदवारी असा प्रेरणादायी आहे. त्यांनी अपयशी आणि जनविरोधी राजकारणाला थेट आव्हान दिले आहे.
माँ जिजाऊ ची शिकवण नेहमी दुसऱ्यांसाठी हक्कासाठी लढले पाहिजे हीच प्रेरणा घेऊन छत्रपती शिवाजी, महाराज शाहू महाराज, सावित्रीबाई फुले, फातिमा शेख, डॉक्टर बाबासाहेब आंबेडकर, सर्व महापुरुषांच्या आशीर्वादाने आणि आपल्या सर्वांची साथ अत्यंत महत्त्वाची लोकशाहीसाठी टिकवण्यासाठी मला प्रेरणादायी ठरणार आहेत.
पत्रकारांशी बोलताना प्रशांत कांबळे म्हणाले,
2017 साली आंबेगाव खुर्द परिसर पुणे महानगरपालिकेमध्ये समाविष्ट झाला. त्यानंतर आतापर्यंत या संपूर्ण भागामध्ये कोट्यवधी रुपये खर्च करण्यात आले. मात्र आजही रस्ते, पाणीपुरवठा, ड्रेनेज, आरोग्य, स्वच्छता अशा मूलभूत नागरिक सुविधांचा तीव्र अभाव आहे. नागरिकांच्या कराच्या पैशातून मोठा खर्च होऊनही प्रत्यक्षात सुविधा न मिळणे हे दुर्दैवी वास्तव आहे.
ते पुढे म्हणाले,
मी 2006 पासून या भागात वास्तव्यास आहे. गेल्या अनेक वर्षांत नागरिकांना सुविधा देण्याऐवजी त्यांना वेठीस धरण्याचे काम सत्ताधारी पुढाऱ्यांनी केले. त्यामुळे व्यवस्था बदलण्यासाठी प्रत्यक्ष मैदानात उतरायचा निर्णय घेतला.
कोणत्या पक्षात काम करायचे, या प्रश्नाचे उत्तर देताना त्यांनी सांगितले की,
दिल्लीचे मुख्यमंत्री अरविंद केजरीवाल यांनी केलेले पारदर्शक, संविधानिक आणि सर्वसामान्यांच्या हिताचे काम पाहून अडीच वर्षांपूर्वी आम आदमी पार्टीत प्रवेश केला.
पक्षप्रवेशानंतर अवघ्या सहा महिन्यांत त्यांच्या प्रामाणिकपणा, निष्ठा आणि कार्यक्षमतेची दखल घेत पक्षाने त्यांच्यावर पुणे शहराध्यक्ष सामाजिक न्याय विभाग ही मोठी जबाबदारी सोपवली. त्यांनी ही जबाबदारी पूर्ण प्रामाणिकपणे पार पाडली.
त्यांच्या कार्यावर विश्वास ठेवत महाराष्ट्र कार्यकारी अध्यक्ष अजित फटके पाटील, राज्य समन्वयक अमित मस्के, पुणे शहराध्यक्ष सुदर्शन जगदाळे, धनंजय बनकर, महासचिव अक्षय शिंदे, सुभाष कारंडे, सतीश यादव यांनी प्रशांत कांबळे यांना प्रभाग क्रमांक 38 मधून उमेदवारी जाहीर केली.
उमेदवारी जाहीर झाल्यानंतर मित्र, कुटुंबीय आणि कार्यकर्त्यांमध्ये उत्साहाचे वातावरण आहे.
ही लढत बलाढ्य सत्तेविरुद्ध सर्वसामान्य नागरिकांची आहे. मतदार राजा परिवर्तनासाठी नक्कीच मतदान करेल आणि मला विजयी करेल, असा ठाम विश्वास प्रशांत कांबळे यांनी व्यक्त केला.
संपादक : कुमार कुलकर्णी
